અમદાવાદમાં ભારત સરકારના બુલેટ ટ્રેન પ્રોજેક્ટના ભાગરૂપે, દિનેશચંદ્ર આર. અગ્રવાલ કંપની મણિનગર રેલવે સ્ટેશન નજીક રેલવે ટ્રેક નાખશે. જેના કારણે ઝગડીયા બ્રિજથી મણિનગર રેલવે પોલીસ ચોકી સુધીનો 100 મીટરનો રસ્તો ત્રણ મહિના માટે બંધ રહેશે. ટ્રાફિક ડાયવર્ઝન વિગતો નીચે મુજબ છે:
બંધ રોડ: ઝગડીયા પુલથી મણિનગર રેલ્વે પોલીસ ચોકી સુધીનો અંદાજે 100 મીટરનો વન-વે પટ.
વૈકલ્પિક માર્ગો:
ભૈરવનાથ રોડ, જશોદાનગર ચોકડી, જયહિંદ ચાર રસ્તા, સ્વામિનારાયણ મંદિર અને દક્ષિણી સોસાયટીથી વાહનો વિવિધ મુખ્ય માર્ગો પર જવા માટે વૈકલ્પિક માર્ગોનો ઉપયોગ કરી શકે છે.
કાંકરિયા તળાવ, રામબાગ, મણિનગર ચોકડી, ક્રિષ્નાબાગ ચોકડી, એલજી હોસ્પિટલ, સિદ્ધિ વિનાયક હોસ્પિટલ અને ગુરુદ્વારાથી વાહનો અલગ-અલગ મુખ્ય રસ્તાઓ પર જવા માટે રેલ્વે સ્ટેશન તરફ એક બાજુનો રસ્તો લઈ શકે છે.
