નવી દિલ્હી: ITBPના ડાયરેક્ટર જનરલ (DG) AD સિંહને CRPFના ડાયરેક્ટર જનરલ (DG) પદનો વધારાનો હવાલો સોંપવામાં આવ્યો છે. ITBPના ડાયરેક્ટર જનરલ (DG) અનીશ દયાલ સિંહને CRPFનો વધારાનો હવાલો સોંપવામાં આવ્યો છે કારણ કે CRPFના વર્તમાન DG S L Thaosen 30 નવેમ્બરે નિવૃત્ત થઈ રહ્યા છે, એમ બુધવારે એક સત્તાવાર આદેશમાં જણાવાયું હતું.
કેન્દ્રીય ગૃહ મંત્રાલયના આદેશમાં કહેવામાં આવ્યું છે કે મણિપુર કેડરના 1988 બેચના આઈપીએસ અધિકારી એડી સિંહ આગામી આદેશો સુધી સીઆરપીએફ ડીજીનો ચાર્જ સંભાળશે.
સિંઘ અને થાઓસેનની નિમણૂક ક્યારે કરવામાં આવી હતી?
તમને જણાવી દઈએ કે મધ્યપ્રદેશ કેડરના 1988 બેચના IPS થાઓસેનને ગયા વર્ષે ઓક્ટોબરમાં સેન્ટ્રલ રિઝર્વ પોલીસ ફોર્સ (CRPF) ના ડીજી તરીકે નિયુક્ત કરવામાં આવ્યા હતા. તે જ સમયે એડી સિંહને ઈન્ડો-તિબેટિયન બોર્ડર પોલીસ (આઈટીબીપી)ના મહાનિર્દેશક તરીકે નિયુક્ત કરવામાં આવ્યા હતા.
નોંધનીય છે કે CRPF દેશનું સૌથી મોટું સેન્ટ્રલ આર્મ્ડ પોલીસ ફોર્સ (CAPF) છે જેમાં અંદાજે 3.25 લાખ જવાનો છે. તેને નક્સલ વિરોધી ઓપરેશન ચલાવવા સહિત દેશની આંતરિક સુરક્ષાના ક્ષેત્રમાં વિવિધ ફરજો બજાવવા માટે તૈનાત કરવામાં આવી છે.
કોણ છે એડી સિંઘ?
અનીશ દયાલ સિંહ એટલે કે એડી સિંહ મણિપુર કેડરના 1988 બેચના આઈપીએસ અધિકારી છે. તેઓ ITBPના 32મા વડા છે, જેની સ્થાપના 1962માં કરવામાં આવી હતી. તેનું મુખ્ય કામ ભારત-ચીન સરહદોની સુરક્ષા કરવાનું હતું. 24 ઓક્ટોબર, 2022 ના રોજ, ITBP એ તેની સ્થાપનાના 60 વર્ષ પૂર્ણ કર્યા.
