સિદ્ધારમૈયા કેબિનેટે પાંચ ગેરંટી લાગુ કરવાનો નિર્ણય લીધો છે. મુખ્યમંત્રી સિદ્ધારમૈયાએ આજે જણાવ્યું હતું કે, "અમે આજે કેબિનેટની બેઠક યોજી હતી, જેમાં પાંચ વચનોની વિગતવાર ચર્ચા કરવામાં આવી હતી. અમે નક્કી કર્યું છે કે તમામ પાંચ ગેરંટી ચાલુ નાણાકીય વર્ષમાં લાગુ કરવામાં આવશે." મુખ્યમંત્રીએ કહ્યું કે કર્ણાટક કોંગ્રેસના પ્રમુખ અને હવે નાયબ મુખ્યમંત્રી, ડીકે શિવકુમારે ગેરંટી કાર્ડ પર હસ્તાક્ષર કર્યા હતા અને તમામ વચનો અમલમાં મૂકવા અને તે લોકો સુધી પહોંચે તેની ખાતરી કરવાનું વચન આપ્યું હતું.
સિદ્ધારમૈયાએ કહ્યું કે અન્ના ભાગ્ય યોજના હેઠળ 1 જુલાઈથી બીપીએલ પરિવારો, અંત્યોદય કાર્ડ ધારકોને 10 કિલો અનાજ મફતમાં આપવામાં આવશે. આ સાથે ગ્રહ જ્યોતિ યોજના હેઠળ દરેક ઘરને 200 યુનિટ મફત વીજળી આપવામાં આવશે. પરિવારની મહિલા વડાને 2,000 રૂપિયાની માસિક સહાયની ગૃહ લક્ષ્મી યોજના 15 ઓગસ્ટના રોજ શરૂ કરવામાં આવશે.
કર્ણાટકઃ કોંગ્રેસની ગેરંટી યોજના નીચે મુજબ છે
1. ગૃહ જ્યોતિ યોજના હેઠળ દરેક ઘરને 200 યુનિટ મફત વીજળી
2. ગૃહ લક્ષ્મી યોજના હેઠળ દરેક પરિવારની મહિલા વડાને બે હજાર રૂપિયાની માસિક સહાય
3. અન્ન ભાગ્ય યોજના હેઠળ ગરીબી રેખા નીચે જીવતા પરિવારોના દરેક સભ્યને દર મહિને 10 કિલો મફત ચોખા.
4. યુવા નિધિ યોજના હેઠળ, બે વર્ષ માટે બેરોજગાર સ્નાતકોને દર મહિને 3,000 રૂપિયા અને 18 થી 25 વર્ષની વય જૂથના ડિપ્લોમા ધારકોને દર મહિને 1,500 રૂપિયાનું ભથ્થું.
5. મહિલાઓ માટે સાર્વજનિક બસો શક્તિ યોજનામાં મફત મુસાફરીની સુવિધા
