ગાંધીનગર : ભારતનો સૌથી મોટો જાહેર પરિવહન શો પ્રવાસ 5.0નું આજે ગાંધીનગરના હેલિપેડ પ્રદર્શન કેન્દ્ર ખાતે ભારત સરકારના માનનીય માર્ગ પરિવહન અને હાઈવે મંત્રી શ્રી નીતિન ગડકરી દ્વારા સત્તાવાર રીતે ઉદઘાટન કરવામાં આવ્યું. "સલામત, સ્માર્ટ અને સક્ષમ પેસેંજર મોબિલિટી તરફ" થીમ હેઠળ આયોજિત આ કાર્યક્રમ "વિકસિત ભારત તરફ રાષ્ટ્રનું નેતૃત્વ"ના વિશાળ વિઝન સાથે અધોરેખિત છે, જેમાં ભારતના પ્રવાસી પરિવહન ક્ષેત્રના પરિવર્તનને ગતિ આપવા માટે નીતિ નિર્માતાઓ, ઉદ્યોગ આગેવાનો અને પરિવહન હિસ્સેદારો એકત્ર આવ્યા છે.
ઉદઘાટન સમારોહમાં પશ્ચિમ બંગાળ સરકારના માનનીય પરિવહન અને શ્રમ મંત્રી શ્રી અર્જુન સિંહ, પશ્ચિમ બંગાળ સરકારના માનનીય પર્યટન અને સંસદીય બાબતોના મંત્રી ડૉ. શંકર ઘોષ, ઉત્તરાખંડ સરકારના માનનીય પરિવહન મંત્રી શ્રી પ્રદીપ બત્રા, ગુજરાત સરકારના માનનીય શ્રમ, કૌશલ્ય વિકાસ અને રોજગાર રાજ્ય મંત્રી શ્રી કાંતિલાલ અમૃતિયા, ગુજરાત સરકારના શહેરી વિકાસ અને શહેરી ગૃહ નિર્માણ રાજ્ય મંત્રી શ્રીમતી દર્શનાબેન વાઘેલા હાજર રહ્યાં હતાં.
આ પ્રસંગે શ્રી આનંદ એસ, વાઈસ પ્રેસિડેન્ટ અને બિઝનેસ હેડ - સીવી પેસેન્જર, ટાટા મોટર્સ લિ., શ્રી એસ.એસ. ગિલ, ચીફ કમર્શિયલ ઓફિસર, VE કોમર્શિયલ વ્હીકલ્સ લિ. (VECV), શ્રી મનોજ અગરવાલા, ચીફ બિઝનેસ ઓફિસર, રેડબસ, શ્રી આલોક બાજપાઈ, ગ્રુપ સીઈઓ, ઈક્ઝિગો, શ્રી જગદેવ સિંહ ખાલસા, ચેરમેન, બીઓસીઆઈ, શ્રી પ્રસન્ના પટવર્ધન, પ્રમુખ, BOCI, શ્રી મેઘજીભાઈ ખેતાણી, અધ્યક્ષ, અખિલ ગુજરાત પ્રવાસી વાહન સંચાલક ટ્રસ્ટ, શ્રી લલિતકુમાર સુખવાણી, પ્રમુખ, અખિલ ગુજરાત પ્રવાસી વાહન સંચાલક ટ્રસ્ટ, સુશ્રી જલ્પા જૈન, પ્રવક્તા, અખિલ ગુજરાત પ્રવાસી વાહન સંચાલક ટ્રસ્ટ, શ્રી પ્રકાશભાઈ પટેલ, ગુજરાત પ્રવાસી વાહન સંચાલક ટ્રસ્ટના પ્રમુખ, શ્રી અમિત શાહ, પ્રમુખ, ગુજરાત લક્ઝરી કેબ ઓનર્સ એસોસિયેશન (GLCOA), શ્રી સિદ્દીક ગાંધી, જોઈન્ટ ટ્રેઝરર, BOCI, શ્રી અલ્લાહ બક્ષ અફઝલ, રાષ્ટ્રીય ઉપપ્રમુખ, BOCI, શ્રી ધર્મરાજ ડી આર, જનરલ સેક્રેટરી, BOCI, શ્રી હર્ષ કોટક, ખજાનચી, BOCI, શ્રી જગદીશ પાટણકર, ઇવેન્ટ ક્યુરેટર, પ્રવાસ 5.0ના એક્ઝિક્યુટિવ ચેરમેન, MM એક્ટિવ સાથે વરિષ્ઠ સરકારી અધિકારીઓ, ઉદ્યોગ આગેવાનો અને દેશભરના 10,000થી વધુ ટ્રાન્સપોર્ટ ઓપરેટરો રણ આ સમયે હાજર હતા.
BOCI દ્વારા આયોજિત, અખિલ ગુજરાત પ્રવાસી વાહન સંચાલિત મહામંડળ દ્વારા યજમાની, ગુજરાત લક્ઝરી કેબ ઓનર્સ એસોસિયેશન અને ગુજરાત ટુરિસ્ટ વ્હીકલ્સ ઓપરેટર્સ એસોસિયેશન દ્વારા સહ-યજમાની અને MM એક્ટિવ સ્કિ -ટેક કમ્યુનિકેશન્સ પ્રા. લિમિટેડ દ્વારા ક્યુરેટેડ પ્રવાસ 5.0 ભારતના અગ્રગણ્ય વ્યવસાય અને જ્ઞાન પ્લેટફોર્મ તરીકે વિકસિત થયું છે, જે પેસેન્જર ટ્રાન્સપોર્ટ ઉદ્યોગને સમર્પિત છે. આ ઇવેન્ટ સરકાર, પરિવહન સંચાલકો, ઉત્પાદકો, ટેકનોલોજી પ્રદાતાઓ, ઉદ્યોગ સાહસિકો, રોકાણકારો અને મોબિલિટી સંશોધકોનું જાહેર પરિવહનના ભવિષ્યની ચર્ચા, પ્રદર્શન અને સંચાલન માટે એક અનોખું સંકલન બનાવે છે.
પ્રવાસ 5.0નું મુખ્ય આકર્ષણ ભારતનો સૌથી મોટો એક્સ્પો છે, જે જાહેર પરિવહન, ટેકનોલોજી અને સેવાઓના ભવિષ્યનું પ્રદર્શન કરે છે, જેમાં OEM, કમ્પોનન્ટ્સ, એગ્રીગેટર્સ, સિસ્ટમ્સ અને એસેસરીઝ, EVs, ઊર્જા સંગ્રહ અને ચાર્જિંગ, સ્માર્ટ મોબિલિટી અને ફ્લીટ મેનેજમેન્ટ, ટેક અને ડિજિટલ સોલ્યુશન્સ, વૈકલ્પિક ઇંધણ અને લુબ્રિકન્ટ્સ અને સ્ટાર્ટ-અપ્સ અને ઈનોવેશન્સમાંથી નવા ઈનોવેશન્સ દર્શાવવામાં આવી છે. આ પ્રદર્શન વ્યવસાયોને અત્યાધુનિક ઉત્પાદનો, ઊભરતી તકનિકો અને સંકલિત મોબિલિટી ઉકેલો પ્રદર્શિત કરવા માટે એક વ્યાપક પ્લેટફોર્મ પૂરું પાડે છે જે મુસાફરોના પરિવહનને ફરીથી વ્યાખ્યાયિત કરી રહ્યા છે.
પ્રવાસ 5.0ને નવા ઉત્પાદન લોન્ચ અને ટેકનોલોજી અનાવરણ માટે દેશના સૌથી પસંદગીના પ્લેટફોર્મ તરીકે પણ ઓળખવામાં આવે છે, જેમાં અગ્રગણ્ય ઓટોમોટિવ ઉત્પાદકો અને મોબિલિટી કંપનીઓ આગામી પેઢીની બસો, બુદ્ધિશાળી પરિવહન ઉકેલો, ડિજિટલ પ્લેટફોર્મ, ઇલેક્ટ્રિક મોબિલિટી નવીનતાઓ અને અદ્યતન ફ્લીટ તકનિકો રજૂ કરવા માટે આ ઇવેન્ટ પસંદ કરે છે. આ ઇવેન્ટ કંપનીઓને સમગ્ર ભારતમાંથી પરિવહન ઓપરેટરો, નીતિ નિર્માતાઓ અને વ્યાવસાયિક નિર્ણય લેનારાઓ સાથે સીધા જોડાવાની વ્યૂહાત્મક તક પૂરી પાડે છે.
પ્રદર્શન ઉપરાંત પ્રવાસ 5.0 પરિષદો, આગેવાનો દ્વારા સંબોધન, નીતિ સંવાદો, તકનિકી સત્રો, પેનલ ચર્ચાઓ અને બિઝનેસ નેટવર્કિંગ પહેલોના વ્યાપક કાર્યક્રમોનું આયોજન કરશે, જે સરકાર, ઉદ્યોગ અને શિક્ષણ ક્ષેત્રના નિષ્ણાતોને એકસાથે લાવીને પેસેંજર મોબિલિટીના ભવિષ્ય પર ભાર આપશે. આ કાર્યક્રમ ભારત પ્રવાસ પુરસ્કારો દ્વારા સમગ્ર ક્ષેત્રમાં શ્રેષ્ઠતાની ઉજવણી પણ કરશે, જે પેસેન્જર ટ્રાન્સપોર્ટ ઉદ્યોગમાં ઉત્કૃષ્ટ યોગદાન અને નવીનતાને માન્યતા આપશે.
ભારત સુરક્ષિત, સ્માર્ટ અને વધુ સસ્ટેનેબલ મોબિલિટી ભવિષ્ય તરફ આગળ વધી રહી છે ત્યારે પ્રવાસ 5.0 સહયોગ, નવીનતા અને નીતિ સંવાદ માટે ઉત્પ્રેરક તરીકે ઊભું છે. સંપૂર્ણ પેસેન્જર ટ્રાન્સપોર્ટ ઇકોસિસ્ટમને એક છત નીચે લાવીને આ કાર્યક્રમ ભાગીદારીને મજબૂત બનાવવા, જ્ઞાન આદાનપ્રદાનને પ્રોત્સાહન આપવા અને નવી તકો ઊભી કરવાનું ચાલુ રાખે છે, જે ભારતના જાહેર પરિવહન પ્રવાસના આગામી પ્રકરણને આકાર આપવામાં મદદ કરશે.
