નવી દિલ્હી: સુપ્રીમ કોર્ટે AAP નેતા મનીષ સિસોદિયાની જામીન અરજી પર પોતાનો નિર્ણય સુરક્ષિત રાખ્યો છે. સુનાવણી દરમિયાન, સુપ્રીમ કોર્ટે ED અને SBIને કહ્યું કે તમે "દરેક જામીન કેસમાં કહો છો કે તમે પુરાવા સાથે ચેડા કરી શકો છો." જસ્ટિસ બીઆર ગવઈ અને કેવી વિશ્વનાથનની બેન્ચે સિસોદિયાનું પ્રતિનિધિત્વ કરતા વરિષ્ઠ વકીલ અભિષેક સિંઘવી અને સેન્ટ્રલ બ્યુરો ઑફ ઇન્વેસ્ટિગેશન (CBI) અને એન્ફોર્સમેન્ટ ડિરેક્ટોરેટ (ED) માટે હાજર રહેલા એડિશનલ સોલિસિટર જનરલ એસવી રાજુની દલીલો સાંભળી.
સીબીઆઈએ 26 ફેબ્રુઆરી, 2023 ના રોજ સિસોદિયાની દિલ્હી આબકારી નીતિની રચના અને અમલીકરણમાં ગેરરીતિઓમાં કથિત સંડોવણી બદલ ધરપકડ કરી હતી. CBI FIR સંબંધિત મની લોન્ડરિંગ કેસમાં EDએ 9 માર્ચ, 2023ના રોજ તેમની ધરપકડ કરી હતી.
સિસોદિયાએ 28 ફેબ્રુઆરી 2023ના રોજ દિલ્હી કેબિનેટમાંથી રાજીનામું આપ્યું હતું. દિલ્હીના પૂર્વ ઉપમુખ્યમંત્રી સિસોદિયાએ જામીનની વિનંતી કરતા દલીલ કરી છે કે તેઓ 17 મહિનાથી કસ્ટડીમાં છે અને તેમની સામેના કેસની સુનાવણી હજુ શરૂ થઈ નથી.
સુપ્રીમ કોર્ટે જામીન અરજી પર સુનાવણી પૂર્ણ કરી છે. કોર્ટે બંને પક્ષોના મંતવ્યો સાંભળ્યા છે. હવે સુપ્રીમ કોર્ટ નક્કી કરશે કે મનીષ સિસોદિયાને CBI અને ED કેસમાં જામીન આપવામાં આવશે કે નહીં.
