કારોડા બ્રહ્મભટ્ટ સમાજની કુળદેવી શ્રી બ્રહ્માણી માતાજીના નવિન મંદિર નો પ્રાણપ્રતિષ્ઠા મહોત્સવ યોજાયો

કારોડા બ્રહ્મભટ્ટ સમાજની કુળદેવી શ્રી બ્રહ્માણી માતાજીના નવિન મંદિર નો પ્રાણપ્રતિષ્ઠા મહોત્સવ કારોડા ગામે તા.૧૪-૧૫/૧૨/૨૦૨૪ ના રોજ યોજાયો, આ પ્રાણપ્રતિષ્ઠા મહોત્સવમાં કારોડા બ્રહ્મભટ્ટ સમાજના ભાઈઓ અને બહેનોએ ખૂબ જ ઉત્સાહથી ભાગ લીધો.આ સમગ્ર પ્રાણપ્રતિષ્ઠા મહોત્સવનું આયોજન ગામમાં રહેતા તથા બહારગામ રહેતા ભાઈઓ અને બહેનો દ્વારા કરવામાં આવ્યું, ગામના વડીલો, ભાઈઓ અને યુવાનોએ ખૂબ જ જહેમત ઉઠાવી આ મહોત્સવને યાદગાર બનાવવામાં આવ્યો, પ્રાણપ્રતિષ્ઠા સંપન્ન થયા બાદ મંદિર પરિસરમાં ભવાઈના કાર્યક્રમનું આયોજન કરાયું હતું. આ પ્રસંગે આખા કાર્યક્રમમાં ખૂબ જ ઉત્સાહ અને ઉમંગથી સમગ્ર કારોડા બ્રહ્મભટ્ટ સમાજને સાથે રાખી પ્રસંગ ને રંગેચંગે ભવ્ય રીતે ઉજવવામાં ખૂબ જ જહેમત અને મહેનત કરી સફળ બનાવનાર ભાઈ શ્રી કિશનભાઈ બ્રહ્મભટ્ટ તથા ગૌરવભાઈ બ્રહ્મભટ્ટનું સમાજના આગેવાનો દ્વારા શાલ ઓઢાડી સન્માનીત કરાયા હતા.