54મી GST કાઉન્સિલની બેઠકઃ કેન્દ્રીય નાણા મંત્રી નિર્મલા સીતારમણની અધ્યક્ષતામાં 54મી GST કાઉન્સિલની બેઠક ચાલી રહી છે. આ બેઠક પર માત્ર ઈન્ડસ્ટ્રી જ નહીં સામાન્ય લોકો પણ ખાસ નજર રાખી રહ્યા છે. વાસ્તવમાં, ઉદ્યોગની સાથે સાથે દેશના સામાન્ય લોકોને પણ જીએસટી કાઉન્સિલની આ બેઠકથી ઘણી અપેક્ષાઓ છે. દર વખતની જેમ આ વખતે પણ GST કાઉન્સિલની બેઠકમાં ઘણા મોટા નિર્ણયો લેવાના છે. આવો જાણીએ આ બેઠકમાં અત્યાર સુધી કયા મહત્વના નિર્ણયો લેવામાં આવ્યા છે.
1. GST કાઉન્સિલે કેન્સરની સારવારમાં વપરાતી દવાઓ પર GST ઘટાડીને 5 ટકા કરવાનો નિર્ણય લીધો છે. અત્યાર સુધી કેન્સરની દવાઓ પર 12 ટકા GST લાગતો હતો. સરકારના આ મોટા નિર્ણયથી કેન્સરની સારવારનો ખર્ચ ઘટશે.
2. સ્વાસ્થ્ય અને જીવન વીમા પૉલિસી પ્રિમિયમ પર વસૂલવામાં આવતા 18% GSTને ઘટાડવા માટે સંમત થયા છે. જોકે હવે પ્રીમિયમ પર કેટલો GST વસૂલવામાં આવશે તેનો અંતિમ નિર્ણય નવેમ્બરમાં યોજાનારી GST કાઉન્સિલની આગામી બેઠકમાં લેવામાં આવશે.
3. નિર્મલા સીતારમણે કહ્યું કે GST કાઉન્સિલ સેસ વળતર પર મંત્રીઓના જૂથની રચના પર સંમત થઈ છે.
