બુધવારના ટ્રેડિંગ સેશનમાં ભારતીય શેરબજારમાં જબરદસ્ત વૃદ્ધિ જોવા મળી હતી. બજારમાં વ્યાપક ખરીદી જોવા મળી હતી. તેના કારણે BSE સેન્સેક્સ 526.01 પોઈન્ટ અથવા 0.73 ટકા વધીને 72,996.31 પોઈન્ટ અને નિફ્ટી 118 પોઈન્ટ અથવા 0.54 ટકા વધીને 22,123 પોઈન્ટ પર બંધ થયો હતો. બેન્કિંગ શેર્સમાં પણ ઉછાળો જોવા મળ્યો હતો. નિફ્ટી બેન્ક 185.75 પોઈન્ટ અથવા 0.40 ટકા વધીને 46,785.95 પર બંધ થયો.
આજે બજારમાં ઘટતા શેરોની સંખ્યા વધુ હતી. 1322 શેર ઘટીને અને 936 શેર લીલા નિશાનમાં બંધ થયા હતા. ઓટો, ફિનસર્વિસ, રિયલ્ટી, એનર્જી, પ્રાઈવેટ બેંક, ઈન્ફ્રા અને સર્વિસ સેક્ટરના શેરમાં ઉછાળો જોવા મળ્યો હતો. આઈટી, પીએસયુ બેન્ક, ફાર્મા અને મેટલ શેર દબાણ હેઠળ બંધ થયા છે.
