શેરબજાર બંધઃ ભારતીય શેરબજારનું બુધવારનું ટ્રેડિંગ સત્ર ઉતાર-ચઢાવથી ભરેલું હતું. જોકે બજારના તમામ મુખ્ય સૂચકાંકો લીલા નિશાનમાં બંધ થયા છે. BSE સેન્સેક્સ 408 પોઈન્ટ અથવા 0.55 ટકા વધીને 74,085 પર બંધ થયો. નિફ્ટી 117 પોઈન્ટ અથવા 0.55 ટકા વધીને 22,474 પોઈન્ટ પર બંધ થયો હતો. તમને જણાવી દઈએ કે, આજે સેન્સેક્સ અને નિફ્ટીએ 74,151 પોઈન્ટ અને 22,497 પોઈન્ટની નવી ઓલ ટાઈમ હાઈ બનાવી છે.
જોકે આજે બજારમાં ઘટતા શેરોની સંખ્યા ઉંચી રહી હતી. NSE પર 1782 શેર લાલ નિશાનમાં બંધ થયા જ્યારે 427 શેર લીલા નિશાનમાં બંધ થયા. બેન્કિંગ શેર્સમાં આજે તેજીનું વલણ હતું. નિફ્ટી બેંક 384 પોઈન્ટ અથવા 0.81 ટકાના ઉછાળા સાથે 47,965 પોઈન્ટ પર બંધ થયો હતો. જોકે મિડકેપ અને સ્મોલકેપ શેરોમાં વેચવાલીનો દબદબો રહ્યો હતો. નિફ્ટી મિડકેપ 100 ઈન્ડેક્સ 0.52 ટકા અને નિફ્ટી સ્મોલકેપ 100 ઈન્ડેક્સ 2 ટકા તૂટ્યો છે.
