પઠાણકોટ હુમલાના માસ્ટરમાઇન્ડ અને મોસ્ટ વોન્ટેડ આતંકવાદી શાહિદ લતીફની પાકિસ્તાનમાં હત્યા કરવામાં આવી છે. વર્ષ 2016માં પંજાબના પઠાણકોટના એરબેઝ પર આતંકી હુમલો થયો હતો. આ હુમલો આતંકવાદી સંગઠન જૈશ-એ-મોહમ્મદે કર્યો હતો. આ હુમલામાં ભારતીય સેનાના સાત જવાન શહીદ થયા હતા. NIAની તપાસમાં સામે આવ્યું છે કે શાહિદ લતીફ આ હુમલાનો માસ્ટરમાઈન્ડ હતો.
NIAની તપાસમાં એ પણ સામે આવ્યું છે કે પઠાણકોટ આતંકવાદી હુમલાનું આયોજન પાકિસ્તાનમાં કરવામાં આવ્યું હતું અને તેને અંજામ આપવામાં આવ્યો હતો. આતંકવાદી જૂથ જૈશ-એ-મોહમ્મદે હુમલો કરવા માટે ચાર આત્મઘાતી બોમ્બરોને તાલીમ આપીને મોકલ્યા હતા. લતીફ જૈશના લોન્ચિંગ કમાન્ડર તરીકે ઓળખાય છે. તેણે જૈશ-એ-મોહમ્મદના ચાર આતંકવાદીઓને પઠાણકોટ મોકલ્યા હતા. 47 વર્ષીય શાહિદ લતીફ પાકિસ્તાનના ગુજરાનવાલાના અમીનાબાદ શહેરનો રહેવાસી હતો.
લતીફ સિયાલકોટની નટ મસ્જિદમાં મૌલવી તરીકે કામ કરતો હતો. જૈશ-એ-મોહમ્મદ સાથે સંકળાયેલા લતીફે પઠાણકોટ એરબેઝ પર આતંકવાદી હુમલો કરનાર સિયાલકોટના 4 આતંકવાદીઓને માર્ગદર્શન આપ્યું હતું.
