સ્ટાન્ડર્ડ ચાર્ટર્ડ બેંકે આજે ભારત અને દક્ષિણ એશિયા માટે ચીફ ટેક્નોલોજી અને ઓપરેશન્સ ઓફિસર તરીકે ઝુઝાર ટીનવાલાની નિમણૂકની જાહેરાત કરી છે. તેમણે સરબજીત આનંદ પાસેથી કાર્યભાર સંભાળ્યો, જેમણે બેંકની બહાર અન્ય તકો મેળવવાનું નક્કી કર્યું છે.
ઝુઝાર અગાઉ ચીફ ઓપરેટિંગ ઓફિસર હતા અને તેઓ 26 વર્ષથી બેંક સાથે છે. તેઓ ઓપરેશન્સ અને ટેક્નોલોજીમાં વિવિધ ટીમોનું નેતૃત્વ કરે છે તથા વિકાસ અને સ્કેલને સક્ષમ કરવા માટે ડિજિટલ સોલ્યુશન્સનો લાભ ઉઠાવવા માટે નવીન રીતો શોધે છે. તેમનું ઊંડાણપૂર્વકનું જ્ઞાન અને સમગ્ર કામગીરીમાં નિપુણતા બેંકની વ્યૂહરચનાનો અમલ કરવા માટે મુખ્ય પ્રેરક બની રહેશે.
ઝુઝાર ટીટીઓ એશિયા મેનેજમેન્ટ ટીમ (એમટી)ના સભ્ય રહેશે અને ઈન્ડિયા કન્ટ્રી એમટીનો ભાગ બનવાનું ચાલુ રાખશે. આ નિમણૂંક જ્યાં જરૂર જણાય ત્યાંની નિયમનકારી મંજૂરી અથવા ફાઇલિંગને આધીન રહેશે.
